البارحة .. خرّبتها .. مـع ... ( .. خفوقـي .. ) !!

البارحة .. خرّبتها .. مـع ... ( .. خفوقـي .. ) !!


النتائج 1 إلى 8 من 8

الموضوع: البارحة .. خرّبتها .. مـع ... ( .. خفوقـي .. ) !!

  1. #1

    Talking البارحة .. خرّبتها .. مـع ... ( .. خفوقـي .. ) !!

    بسم الله الرحمن الرحيم




    ماعلّمـوك .. البارحـة .. ويــش سـوّيـت ..؟؟
    البارحة .. خرّبتها .. مـع ... ( .. خفوقـي .. ) !!


    يومـه سألنـي عنـك .. صدّيـت .. صـدّيـت ..
    وكرر .. سؤاله .. قلت .. وش بـك .. طفوقـي .؟؟


    قـال الحـزن .. قلـت الحـزن .. مسكـن وبيـت
    قال الدمـوع .. وقلـت .. نبـض .. العروقـي .!!





    قـال أنـت طـيّـب .. قـلـت أدري .. ولـدّيـت
    قال .. الغياب ..؟؟ .. وقلت .. عقبه ... شروقي ..!!


    ردّ بـزعـل .. أشـوف كـنّـك .. تقـوّيـت ....؟
    قلت .. أتقـوّى .. إليـن .. وقتـي ... يروقـي !!


    قـال البشـر واجـد .. وقلـت .. أنــت زلـيـت
    صحيح واجد .. بـس ..؟؟ .. فيهـم .. فروقـي .!


    قـال .. أنـت تتمـنـى .. ورديــت .. يالـيـت
    ولآ كـل .. نـور يشـاف .. ( لمـع البروقـي ) !!


    قـال أنـت تستهبـل .. وأنـا .. فيـك أزريــت .
    أزريت .. أصبر .. و .. ذقت منك .. الحروقـي .!!


    قــال أنــت متغـيّـر .. وعـنّـي تخلّـيـت ..
    قلت .. أنت .. تمنعني .. مـن أبسـط حقوقـي ..!!


    شرحـت لـه كـل الغـلا .. كـيـت ثــم كـيـت
    وأقفـى وراه .. وغـاب .. كنّـه ... حمـوقـي .!!


    يانـاس ربــي .. خـالـق الـحـيّ .. والمـيـت
    قدّر .. أحبه .. وصـرت .. مغـرم .. شفوقـي.!!



    لـذا .. أنـا .. مهـمـا .. بـقلـبـي .. تعلّـيـت
    يبقـى غـلاه .. بـكـل الأحـوال .... ذوقـي .!!




    مما رآق لي

  2. #2

    افتراضي رد: البارحة .. خرّبتها .. مـع ... ( .. خفوقـي .. ) !!

    كلمات رائعة جدا

  3. #3
    هكر متميز الصورة الرمزية hooos
    تاريخ التسجيل
    Jul 2010
    الدولة
    في كوكب لوحدي
    المشاركات
    1,878

    افتراضي رد: البارحة .. خرّبتها .. مـع ... ( .. خفوقـي .. ) !!

    مشكور والله يعطيك العافيه

  4. #4
    محظور
    تاريخ التسجيل
    Aug 2010
    الدولة
    جدة الغالية
    المشاركات
    1,296

    افتراضي رد: البارحة .. خرّبتها .. مـع ... ( .. خفوقـي .. ) !!

    كلمات روووووعه صراحه وأحببت ان أشاركك مما راق لي

    ..تذكر يوم أقولك جسد يحتوي روحين ..

    . وأوعدك ما أخليك وتوعد ما تخليني ..

    .. أذكر يومها أشوف بالدنيا بس اثنـين ..

    .. قلبي اللي يحبك وقلبك اللي يحويني ..

    .. بعدها بأيام شفت ايدك تحتضن ايدين ..

    .. وانصدمت يوم شفت إنها غير ايديني ..

    .. سكت لجل خاطرك وقلت مرحبا بالزين ..

    .. مرحبا باللي القلب لجلـه حيل كاويني ..

    .. مر يوم واسبوع وشهر وبعدها شهرين ..

    .. وهو لازال مايدري بإني شفته بعيني ..

    .. وأخاف إني أقوله له خاين وينجرح بعدين ..

    .. وأخاف أسكت وبسكوتي صمتي حيل يشقيني ..

    .. واجهته وأنا أبكي والعين تحتضن العين ..

    .. سألته : ليه تنسـاني ؟ وإلا ماكنت تغليني ؟؟

    .. سكت ولفّ عني وخبى وجهه بالإيدين ..

    .. اللي كانت تحضني وغيرها ما تدفيني ..

    . سحبت وجهه و مسحت الدمع على الخدين ..

    .. وقلت له والله أحبك ولو إنك تخليني ..!

    .. سكت فتره وقال لي : لازلتي تحبين ؟؟

    .. بعد اللي تشوفينه لا زلتي تحبيني ؟؟

    .. ابتسمت وقلت أجل ماعرفت للحين ..

    .. إني أحبك حيل واللي يرضيك يرضيني ..

    .. سكت فتره وأنا أعاود فرحة بقت لسنين ..

    .. وتركته وتركت حبه اللي بقى فيني ..

    .. وصارت الدمعـة إذا هلّت أقول أهلين ..

    .. والبسمة هجرتني ونست دربها فيني ..

    .. بعدها بـأيام سمعت خبر والله شين ..

    .. سمعت إنه مـاااات وهو يطلب يلاقيني ..

    .. ويوم إني رحت .. وصيته لي بورقتين ..

    .. الأولى بها اسمي كتب بدمه يغليني ..

    .. والثانيه يقول فيها: أبي أوضحلك شيئين ..

    .. الأول أحبك حيل وماسكن غيرك شراييني ..

    .. والثاني أمانه لا جيتي لأهلي تعزيّن ..

    .. لا تنزل دموعك لي طلبتك لاتَبْكِينِي ..

    .. كل اللي أبيه إنك بالخير لي تدعين ..

    .. وإنك بالشهر مره بقبري تزوريني ..

    .. واللي أبيك تعرفيه ومهم إنك تعرفين ..

    .. اللي شفتيها معي كانت بموتي تبشّرني ..

    .. انا اللي خليتك من كيفي عني تبعدين ..

    .. لجل ما ينجرح قلبك بلحظة موت تحويني ..

    .. تكفين لا تظنين إني خنتك ياالغلا تكفين ..

    .. وإذا لازلتي تحبيني دايم بـالخير ذكريني ..

    .. سكت وقلت : ياليتني ظليت معك يازين ..

    .. وشفت الموت ياخذك مني ولاكذا تخليني ..

    .. تظنون إني نسيت أو الدمع جف بالعين ؟

    .. لا والله إلين اليوم وهو معي يخاويني ..

    .. لو تدور الدنيـا ولو تمر بعدها سنين ..

    .. ما نسيته لو أشوف أحفـااادي حواليني ..

  5. #5

    افتراضي رد: البارحة .. خرّبتها .. مـع ... ( .. خفوقـي .. ) !!

    رآآآآق لي ماكتب هنا من ابياآآآت عذبه مشكورين وماانحرم..

  6. #6

    افتراضي رد: البارحة .. خرّبتها .. مـع ... ( .. خفوقـي .. ) !!

    بارك الله فيك

    تسلم ايدك

  7. #7

    افتراضي رد: البارحة .. خرّبتها .. مـع ... ( .. خفوقـي .. ) !!

    جزاك الله خيراً..
    وأحسنت ايها الشاعر
    :smile:
    جاري التقييم بـ5 نجوم..
    تقبل مروري..



    فلاش يا سامع الغناء / للشيخ محمد العريفي .. اضغط هنا

    كيف أنت والصلاة؟؟

    رسالة الى كل من يخترق المسلمين

    أعضاء ممنوعين من دخول القسم الاسلامي
    اتبعوا ولا تبتدعوا


    قال الإمام مالك -رحمه الله- : (( من ابتدع في الإسلام بدعة يراها حسنة فقد زعم أن محمداً خان الرسالة )).
    قال شيخ الإسلام ابن تيمية -رحمه الله- : (( الشرائع أغذية القلوب، فإذا تغذت القلوب بالبدع كانت بمنزلة من تغذى بالطعام الخبيث )).


  8. #8

    افتراضي رد: البارحة .. خرّبتها .. مـع ... ( .. خفوقـي .. ) !!

    قـال أنـت طـيّـب .. قـلـت أدري .. ولـدّيـت
    قال .. الغياب ..؟؟ .. وقلت .. عقبه ... شروقي لهله وربي اهنيكـ ياغالي الى الامام بالتوفييييق يارب

المفضلات

أذونات المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •