شويه لاكن وقت إنهدوا...ما ننعدوا...كيف عروق النجم إنمدوا
شوية لكـــن في الميدان
فلان فلان..خبرنا شايد في الاوطان
اللي يجينــا خــايف يطمان
عليه إنسدوا..الضايف قبل النفس انودوا
واللي يجينا ناوي الافتان
عليه انردوا..الساس اللي يبنيه انهدوا
وحتي توا كيف زمـــــان
الضيم انصدوا..ما نخافوش ولا نجدوا
شوية لكــن يوم الدق
الحق الحق..اولادك غوثة للشارق
انشقوا قدو العيطة شق
احنا اللي انبدوا..كان هجمنا ما نرتدوا
انجوا ع الضُمر ماتَــعرق
العزم انشدوا..للغازي بصراع انهدو
