بعد التحية والصلاه والسلام على سيد البشر مبشر المؤمنين بخلافة المجد والعز محمد صل الله عليه وسلم وعلى اله وصحبه اجمعين رجعت اليكم بشرح يبحث عنه الكثير وانا اولهم فقبل سنتين كنت اتمنى ان اجد شرح لتقسيم الهرد دسك في نضام الينكس مع تثبيته وبطريقة ناجحه كثر الكلام وقله سوى نبداء الشرح الشرح على توزيعة ubuntu وكذالك الطريق لتقسيم القرص الصلب تنفع كذالك في نضام BackTrack يعني لا فرق بينهما كلهم لينكس طبعآ بعد ماتنزل النسخة من الموقع الرسمي وتحرقها على CD تضعها في مشغل السي دي وتعيد تشغيل الجهاز وبسم الله بتجيك هذه الخطوة وتختار كما هو موضح بالصورة اللغة انجليزي وثم install ubuntu بعدها بيجيك هالخطوة ويفضل ان يكون الجهاز متصل بالانترنت بكيبل وليس مهم وطبعآ اذا كان غير متصل بيكون آخر علامة صح بدالها أكس اذا كان متصل تختار ترقية الحزم اثناء التثبيت واذا كانت اكس لا تختارها كماهو موضح بالصورة وصلنا للخطوة وهي اذا اخترنا الخيار الأعلى فرح يتم التثبيت على كامل الهارد يعني بلغة مستخدمي الويندوز مابيكون فيه دي بيكون فيه سي فقط ولكن انا اخترت الخيار الثاني للتقسيم اليدوي وليش مسوي الشرح في الخطوات اتمنى التركيز شوي لأنها والله سهله لكن الكثير حاط في باله انها معجزه في الخطوة التاليه نضغط nwe partiton لأنه لم نشاهد اي مساحة امامنا كما هو موضح بالصورة بتجيك هالصورة ماعليك سوا الضغط على continue للمتابعة في الصورة التالية طلعت لنا مساحة كامل الهارد وهي تقريبآ 97 جيجا وكل واحد وحجم الهارد عنده طبعآ بضغطه على المساحة وهي free space بالماوس ونختار من تحت add كماهو موضح بعد ما نضغط add الآن بنسوي مساحة لمجلد الروت او زي مايسمونه مستخدمي الوندوز السي طبق ماهو موجود بالصورة بالضبط لأن اي خطاء بيسبب لك مشاكل بعدين في نقطة مهمه ياشباب اذا حبيت تحط مثلآ 40 جيجا لازم تكتبها بالميجا يعني تساوي 40000 ميجا وهكذا بعد ما ضغطنا OK لأعتماد التقسيم بتجينا هالصورة وتبين انه صار لينا بارتشن للروت والآن نسوي مساحة للسواب swap نضلل بالماوس على free space ونضغط add مثل ماهو بالصورة ونطبق اللي موجود بالصورة التالية بالضبط طبعآ انا وضعت مساحة السواب 3 جيجا اعتبرها كفاية وفي ناس تحطها 5 جيجا كل واحد يحط اللي يبي بحيث ما تقل عن 1 جيجا في الصورة التالية بيوضح لنا مساحة لبارتشن الروت والسواب وباقي نحط المساحة المتبقية للبارتشن الثاني او زي ما يسمونه مستخدمي الدي نضغط مثل العادة على free space ومن ثم add كما هو موضح وبتظهر لك هذه النافذة طبق اللي بالصورة بالضبط بدون زيادة او نقص في الصورة التالية الحمد لله قسمنا وضبطنا شغلنا باقي شوية شغلات في المراحل القادمة ولكن الى هنا يعتبر وصلت الى نهاية الشي اللي خلاني اسوي الشرح طبعآ قبل الضغط على install now نضغط ضغطة واحدة على بارتشن الروت اللي عليه لون بالبرتقالي ومن ثم نضغط install now كما هو موضح بالصورة بعدها خل التقسيم ياخذ راحته وبياخذ شوية وقت ومن ثم يدخلك الى هذه المرحلة تختار بلدك وتواصل من الأسفل وفي غالب الاحيان اذا كنت متصل بالأنترنت بيحدد مكان بلدك بدون اي تدخل منك كما هو موضح بالصورة في الصورة التالية نختار لغتنا للكيبورد وليست لغة النظام لأن لغة النظام اخترناها بالبداية عمومآ نختار لغة الكيبورد arabic ومن اليمين بعد من اليسار عربي نختار طريقة ترتيب الحروف arabic-qwerty كماهو موضح بنوصل للمرحلة وهي تضع باسوورد ويوزر للنظام وايضآ اسم للكمبيوتر وموضح كل شي بالصورة والأفضل باسوورد عادي بسيط تعرفه موب تحط باسوورد من 10 خانات وبعد يومين تنساه وتقول ضيعت الباسوورد طبعآ بياخذ شوية وقت وبيجيك نافذة تطلب منك تسوي ريستارت للنظام وطبعآ بعد اعادة التشغيل بيرجعك للنظام تدخل اليوزر والباسوورد وبتدخل عادي والف مبروك عليك عالم لينكس عبر توزيعة ubuntu الرائعة باقي خطوة بسيطة وفي نفس الوقت مهمه جدآ بشكل ما تتوقعونه وهي اذا دخلت على البارتشن الثاني اللي قلنا عنه الدي انك ماتقدر تحط فيه اي شي لأنه مغلق او بالأصح ليس لديك صلاحية لأستخدامه واذا دخلته بتلاقي داخله ذا الملف وعليه الأكس X طيب علشان نحلها بأبسط الطرق ومن خلال أمر واحد فقط لازم نعرف اول شي أسم البارتشن وعلشان نعرف أسمه ندخل من البانل بالاعلى طبعآ المسار من اليسار لليمين Places>>>Computer>>>File System>>>media وبيظهر لنا هذا المجلد بعد الدخول من media كماهو موضح بالصورة نسوي كلك يمين على هذا المجلد ونختار أخر خيار بالقائمة وهو properties وبيظهر لنا مثل هالصورة وبعدما ننسخ أسم البارتشن نطبق هذا في الترمنال لكي نعطيه صلاحيات الروت ويصير تضع به ما تشاء كود: sudo chown -R turki:turki /media/9d27dd... طبعآ مع تغيير أسم turki الى يوزر نظامك وتغير 9d27dd تحط كامل أسم البارتشن وتطبعه بالترمنال كماهو موضح بالصورة تضغط أنتر وبيطلب منك الباسوورد تحط باسووردك وانتر وخلاص لو ترجع للبارتشن بتروح علامة اﻷكس وبكذا انتهينا من تقسيم الهاردسك وجميع خطوات التثبيت واعطينا البارتشن الثاني كامل صلاحيات الروت وباقي عليك بس تروح تبحث عن كل ما يلزمك من خطوط وتغيير اللغة من انجليزي الى عربي والعكس للكتابة عن طريق الكيبورد وكمل نظامك بباقي البرامج المهمة لك لأن هذا الموضوع لشرح التقسيم والتثبيت فقط لاغير والباقي أبذل فيها شوي من جهدك لكي تجدها الصور والشرح مفتوحة المصدر يعني بدون حقوق "شعار مستخدمي لينكس" وقابلة للتطوير من أي شخص وهي ملك للجميع وليس لشخص او موقع محدد وهذا شرح تحميل وتثبيت BackTrack على النضام الوهمي تم بحمد الله وفضله لاتنسونا من الدعاء لوالديا ووالديكم بالرحمه ولجميع المسلمين من المضلومين اللهم امين يارب العالمين اخوكم في الله والاسلام الهلال منسي الله يبشرنا بعودة الخلافة الله معك ياهلال منسي
التعديل الأخير تم بواسطة الهلال منسي ; 02-20-2013 الساعة 09:02 PM
التعديل الأخير تم بواسطة الهلال منسي ; 02-22-2013 الساعة 02:01 AM
Be Glad Your Life Has Been Hacked By Crescent Forgotten Your Brain Has Been Passed.oOpS جيوش الهكرز عقيدة لا تنثني في حماية الامة Dark Net Do Not Try The Game Is Over شروحاتي المتواضعة === == = الهلال منسي قناتي في اليوتيوب === == = MANSII 79 نحن الان ميتون وعندما نموت سوف نحياء والاحياء لايتبنون الاموات
شرح ولا اروع اخي هلال تسلم الايادي توي شفت الموضوع تحياتي لك
شكرا لك لإضافة تقييم لمستوى هذا العضو، سيكون حظك موفقا كي تتلقى نفس التقييم من هذا العضو أو غيره شرح جميل وتستاهل اكثر من تقيم بتوفيق لك
السلام عليكم جميعا شكرا جزيلا لمروركم وردكم الطيب حياكم الله جميعا وان شاء الله نحث على الجديد تحياتي لكم جميعا حفضكم الله ورعاكم
يسلموا كثيررررررر مبدع في مواضيعك كالعادة ^^
Do not challenge someone who has nothing to lose We are Anonymous We are Legion We do not forgive We do not forget Expect us
السلام عليكم جميعا جزاك الله خيرا الابداع عندما اراكم تردون وتعجبون بهذا العمل المقدم لكم الله يبارك فيك اخي ويسلمك من كل شر تحياتي واحترامي حفضكم الله جميعا
منوووووووووووور - - - تم التحديث - - - منوووووووووووور
The Libyan hacker Returned from New ( MySkype : tahakamoka211 ☼ Email : [email protected] )
انشاء الله محترف هكر
هل هناك طريقة لمسحه من على الكومبيوتر يا اخواني الأفاضل مشكور
قوانين المنتدى