السلام عليكم
كيفكم شباب
ان شاء الله
بخير


اليكم طريقة تغيير لغة واجهة الاستخدام الخاصة بالوندوز فيستا
مثل ما تعرفون انه اغلب اللابتوبات الي يتم شراءها من اوربا , فرنسا او المانيا او هولندا او غيرها , يجي الوندوز الي عليها مو باللغة الانكليزية
راح اشرحلكم هسة طريقة اضافة وتغيير لغة واجهة الاستخدام لوندوز فيستا واستخدام اي لغة ثانية
اما الانكليزية او العربية او اي لغة اخرى متوفرة بموقع شركة مايكروسوفت
بسم الله نبدأ
اول خطوة نسويها انه انزل برنامج اضافة اللغات من هذا الرابط
http://www.froggie.sk/download/Vistalizator.exe
ثم تنزيل اللغة الي نريد نضيفها حتى تصير واجهة استخدام للوندوز
بهذا الشرح راح انطيكم رابط اللغة الانجليزية و رابط اللغة العربية
هذا رابط اللغة الانجليزية
http://download.windowsupdate.com/ms...date/software/ updt/2009/06/lp-en-us_0fdcd67c8bab347e756310dcf2229c9e030270c2.exe
وهذا رابط اللغة العربية
http://download.windowsupdate.com/ms..._d4f4d2a41f68c 949d30f30414c0391848d5e763e.exe
خطوات التثبيت كالاتي
بالنسبة للندوز فيستا بزنس او الفيستا التمايت
فما نحتاج برنامج تغيير اللغة الي بالرابط الاول , يكفي انه نقوم بتنزيل ملف اللغة من الرابط الثاني
وندخل على الكونترول بانال وبعدين على اللانكويج اند ريجنال اوبشنز وبعدين على الكيبوردز اند لانكويجز وندخل على
install / uninstall laguages
ونسوي براوز ونختار ملف اللغة الي نزلناه ونسوي ريستارت راح نشوف انه لغة الوندوز تغيرت ونكدر نرجع اللغة الاصلية من خيارات اللغة بالكونترول بانال حنشوف انه صارت عدنا لغتين او اكثر نكدر نتنقل بينهم
هاي الطريقة تفيدنا فقط بالفيستا بزنس او فيستا التمايت , اما الاصدارات الثانية مثل الفيستا ستارتر او الفيستا هوم بيسك او الفيستا هوم بريميوم
فراح نحتاج للبرنامج الي بالرابط الاول و , بدونه مراح نكدر نضيف لغة ثانية عالوندوز
واني بالنسبة الي انصح باستخدام البرنامج هذا حتى للي عدهم فيستا بزنس او فيستا التمايت باللغة الالمانية او الفرنسية او الصينية لان راح يواجهون صعوبة بقراءة وفهم الازرار والخيارات
فالاسهل الكل ينزلون برنامج تغيير اللغة الي بالرابط الاول لانه انكليزي وسهل جدا بالتعامل وبعدين ملف اللغة الي بالرابط الثاني او الثالث
ويمشون الشرح بالخطوات التالية
عند تشغيل برنامج
vistaliztor 2. 30
بالنسبة للي عدهم وندوز فيستا بزنس او التمايت
راح تطلعلهم مسج تكولهم انه انتوا مو بحاجة لهذا البرنامج لاضافة لغات اخرى لان الوندوز الي عدكم يدعم اضافة اي لغة اخرى بدون برامج اضافية
ويسألهم هل تريد الاستمرار
فطبعا ندوس على
yes
راح تفتح نافذة البرنامج وراح نشوف بيها اللغة او اللغات المتوفرة اساسا بالوندوز
احنا ندوس على
Add ********s
ونروح على الملف اللغة الانكليزية او العربية الي نزلناه من الرابط الثاني او الثالث وخزناه عالحاسبة
راح يبدي يحمل الملف وراح يكولك انه عملية تحميل اللغة راح تاخذ حوالي 20 دقيقة كحد اعلى وحسب سرعة جهازك
بعد ما يخلص تحميل اللغة راح يطلب منك تسوي ريستارت
وراح تشوف انه لغة الوندوز تغيرت حسب اللغة الي انت اختاريتها
وهاهية خلص الشرح
ان شاء الله يكون الشرح سهل و واضح

تحياتي للجميع اخوكم the devils