سلام عليكم
أختي الحبيبة
بتتفرجي على مسلسلات تركي
أو عربي أو أجنبي أو أو..
أنا بس خصيت التركي لإنه بلاء انتشر جدا
في بيوت كتير من المسلمين
وافتتنت بها الكثيرات




اسمعيني ومتمشيش


بس طولي بالك


انتي هتخسري حاجة يعني


بصي يا ستي


مش انتي مسلمة !


طيب


المسلمة مينفعش تشاهد مثل هذه المسلسلات


وإن كان فيها عبرة أو قصة


لإنها مليانة مخالفات شرعية


_______


نساء لابسين لبس مخجل ومبدي للعورات وقبلات ولمسات وتلميحات وأشياء يندى لها الجبين

.


دغير طبعا الموسيقي اللي مالية المسلسل
والبداية والنهاية محرم علينا سماعها


تعرفي إن اللي بتسمع موسيقى هتمسخ هتمسخ


آه
يا إما في الدنيا أو في القبر لقردة أو خنزيرة

آه
العقوبة بالمسخ ثابتة في السنة
عن عمران بن حصين



أن رسول الله صلى الله عليه وسلم قال:


في هذه الأمة خسف ومسخ وقذف، قال رجل من المسلمين: يا رسول الله، ومتى ذلك؟ قال: إذا ظهرت القينات والمعازف وشربت الخمر.


.

دغير تزيين الباطل


يعنى لما بنت مراهقة تشوف البطلة بتحب البطل وعايشين مع بعض مثلا وخارجين وكذا


هتحس ان ده عادى


مالمسلسل عمال يصورهملها ملايكة وان ده حب طاهر وبرىء


وبكده تنجر لأشياء لاداعي لذكرها


.


وطبعا النظر المحرم


الله عزوجل أمرنا بغض البصر عن الرجال






طب حضرتك بتبصي للبطل الجميل الحنين


وباقي الرجال في المسلسل


خدي بالك لو الراجل ده ماشي جنبك في الشارع عمرك ماهتبصيله


هتستحي والله من النظر للرجال


طب فرقت إيه


تعرفي فرقت إيه؟؟



إنك مش في الشارع فمفيش حد هينتقدك عشان عمالة تبحلقي في شكل الراجل


اللي ماشي جنبك أو معاكِ في المواصلة ولبسه وشعره وتفاصيله


إنما في المسلسل إنتي لوحدك أو قاعدة مع حد حاله من حالك


فمفيش مشكلة..


ونسيتي أن الله الذي يراكِ وأنت تستحين من الناس في الشارع


يراكِ وأنت لاتستحين منه في المنزل


.


وكمان تشوف زوجها مش حلو ومش حنين ومش رومانسى وتقعد بقا تقارن


والأدهى من ذلك إنها تتخيل إنها هيا البطلة


وبكده بتخطأ في حق زوجها


وبتتمرد عليه من جواها


وممكن الموضوع يتطور...


ومتقوليش أنا مبعملش كده


إنتي أدرى بنفسك


.


في ناس تقول أنا بتعلم وباخد حكم من المسلسلات دي


انا بقولك احنا خلاص هناخد الحكم والمواعظ من المسلسلات

خلاص قرأنا سيرة النبي محمد صلى الله عليه وسلم وسير الصحابة

ونساء بيت النبوة


وسير التابعين وسمعنا محاضرالت ودروس وخلصنا ده كله وماستفادناش بحاجة من ده كله


فرايحين بقا نستفيد من المسلسلات والأفلام الفاحشة اللي كلها معصية لله عزوجل
.


هتقوليلي أنا بتسلى

هقولك إنتي بتتسلي بمعصية
قاعدة بتتفرجي على ناس بتجاهر بالمعصية
النبي صلى الله عليه وسلم قال"..كل أمتي معافا إلا المجاهرين.."




تخيلي البطل والبطلة قاعدين في حديقة في مكان قريب منك ومعاكي أولادك


وبيتعاملو زي ماهما في المسلسل نظرات حب وحركات محبين وكل الناس عارفة إنهم مش متزوجين ودي علاقة


وبنتك ذات ال16 سنة قاعدة معاك وابنك اللي في الحضانة ياترى هتعملي إيه


لو مخدتيهاش ومشيتي من المكان بسرعة يبقيى فيكي حاجة غلط


طب ماهيا هيا!!




.


هتقوليلي بتفرج عالديكوريشن


هقولك خلاص الديكوريشن اللي موجود في العالم كله اتجمع هنا


في المسلسل اللي بتتفرجي عليه


عندك النت ابحثي وشوفي



عندك المعارض


عندك وعندك وعندك...


ولا انتي بتضحكي على نفسك!!


وعايزة اقولك الديكوريشن ده لو عشان تشوفيه هترتكبي محرم

يبقى انتي في غنى عنه
.
وكم من بيوت خربت وتفككت أسر
بسبب
هذه المسلسلات التافهة




______



آخر حاجة بقولك

بالله عليكي لو النبي اللي تفرقت قبور أصحابه في الأرض عشان دينك يوصلك دخل عليكي وانتي فاتحة مسلسل تركي وقاعدة تتفرجي ياترى هيكون إحساسه إيه


وانتي هتعملي ايه؟؟


بالله عليكي أما تقفي يوم القيامة قدام المولى عزوجل ويسألك انتي كنتي بتتفرجي عليها ليه هتقدري تقوليله الكلمتين اللي قلتيهملي دول


يلا مستنيه إيه!!


خدي قرار


ربما ختم لكِ بخاتمة سيئة بسبب هذه المسلسلات


ربما أغلقتي عينك لتنامي في غرفتك


ولم تفتحيها ثانية إلا أمام جبار السماوات والأرض


أسرعي أختاه


العمر يمضي وعن كل شيء ستسألين


توبي لله عزوجل


وقوليله أنا سبتها وانا بحبها عشانك انت يارب


وتذكري


و
من ترك شيئا لله عوضه الله خيرا منه


ربنا يبارك فيك وينير قلبك


ويحفظك

سلام عليكم ورحمة الله ...