محادثة بين yay وأمه

محادثة بين yay وأمه


النتائج 1 إلى 3 من 3

الموضوع: محادثة بين yay وأمه

  1. #1

    افتراضي محادثة بين yay وأمه

    السلام عليكم

    صباحكم خير وحب أنشاء الله

    قاعدافر على المنتديات لقيت هل الموضوع وحبيت انقله لكم يقطع من الضحك

    نخش بالموضوع



    هذي يوميات [ولد ناعم ] مع امه


    رطوبه
    حررر طفشش
    خلاص

    تعبان


    العجيز .. اقول ياجعل عيني ماتبكيك ورا ماتتمرجل مع الرجاجيل
    وتغدي ذيب
    نعن ابو فررتك انت طالعن على من؟
    انا يوم اني بسنك كنت اقود قطيع من الغنم واقود قبيله مثلك



    yay: ماما اش معنا غنم ؟؟ .. اييه قصدك الخروفه



    العجيز:اييييييييييييييييه ياويلي تقول خروفه ها
    ياحره تسبدي

    ابوك يوم كان بسنك كان يطارد ورا الاسود يبي يصلخ جلدها ومن ثمن يبيعها ..يدور ورا رزقه << بدا النصب

    انت لو يطب في حظنك (شبث) =عنكبوت انكسر حوضك

    yay: ماما يعني بابا كان زي ماوكلى؟


    العجيز :نعن ابو حيك الى يسمع سوالفك يقول عمرك ثلاث سنوات وانت ترا جالس تبحر بالعشرين
    اقول تقلع من قدامي لا تخليني اتخلى عن انوثتي وارتكب فيك جريمه
    ترا مو ماسكني عنك الا صله القرابه ,, ههههههه متعوب عليها هالكلمه


    yay :خلاص ماما بروح انام


    العجيز: نم ياجعل تنام فوق ظهرك تريله .. يغديه تقسي عظمك يالرخمه


    yay:ماما ؟ ليش انتي عدوتي ليش انتي دايم تحاولين تحطمين مشاعري
    ليش انا مو دلوعتك يؤ قصدي دلوعك انا مو ضناكي الى تخافين
    عليه


    العجيز: تصدق احرجتني بكلامك تصدق حمرن خدودي وبجلس ادق راسي اسفا للى سويته فيك
    وراك والله ماذقت عقال ابوك وهو على ظهرك


    yay: ماما تدرين وش اتمني ..

    العجيز: وش تتمني يا هيفا

    yay: اتمني بس تشوفين حليمه وتاخذينها قدوتك

    العجيز: وش انتي ياحليمه ؟

    yay: بنت بولند ياماما

    العجيز: اقول ليت والله تاخذ اخوك خلف قدوتن لك مع انك اكبر منه بسنه
    هذاك والله الى شعر شنبه اكثر من الشعر الى بجسمك
    هذاك والله الى زنده يوقف عليه التيس .. انت لو تلبس ثوب شتوي ثقيل جاك الغظروف
    هذاك عزوتي .. وسندي

    العجيز: يااي

    yay: يس مام

    العجيز: وش يس ذا جعل تيس ينطح ذنبك .. يالسفنجه
    انت من الى علمك الهرج ذا
    قل لبيه يمه سمي يمه
    لو طب علينا حرامي وش بتسوي ياروح ماما

    yay: بشد شعره وبقوله عيب عليك

    العجيز: لاتكفى ارحمه مسكين

    وانت تفكر الحرامي مخلي شعره مثلك ياباربي????
    الحرامي يجيك في وجهه شطبه سكين اعرض من يدك <<عربجيه هالام هههه

    yay: يووه لا تخوفيني ماما اجل بقوله حوحو خذ كل شي الا السكيتنج حقتي واغراضي من بدي شوب خلها لى الله يخليك

    العجيز: الله... وانت منت بمسويله شي ؟

    yay: وش اسويله ياماما بقوله لا تسرق ترا السرقه حرام

    العجيز: بس

    yay: يس

    العجيز: الله يخلف على امن جابتك بس

    ((على دخلت خلف من الشارع))
    العجيز: تعال خلف تعال
    خلف: سمي يمه لبيه

    العجيز: هلا بعزوتي وبسند ظهري هلا
    لو دخل علينا حرامي ياخلف وش بتسوي فيه.. امتعني سمعني اطربني


    خلف: بكسر ظهره ثمن بدعس على رقبته واقطع يده وافك ركبته... واعلقها على باب الشارع عضه وعبره لغيره


    yay: يووء بتسوي فيه مثل ماسوو في بطل فلم الحريه مسكين

    خلف: سكين والله تقطع اذنك ذي الى كنها كليه فار

    yay: يو ترا ما استحمل الكلام هذا ترا ما اعرف انام اخاف..
    بروح انام احسلى من الجلسه معاكم يا عيال دراكولا؟

    العجيز: دراكولا يمص دمك هذا لو عندك دم ماطلع الى بجسمك عصير دناو <<اف هههههه
    احد يقول عن امه تسذا؟

    yay: خلاص ماما سوري

    العجيز : سوري يهابدبك بجدران دمشق قول امين


    yay: ماما ترا بروح بعد ما الشمس يخف زعلها محل نكتار بشتري لى بعض الحاجات مخلصه من عندي

    العجيز: وش يخف زعل الشمس ماخبرت الحتسي ذا ؟

    yay: يعني يماما لمن تبرد اشعه الشمس يعني بعد المغرب

    العجيز: وراك ماتطلع بالضحى ياجعلي اضحي فيك العيد الجاي... قصدي والشمس زعلانه


    yay: لاماما اخاف على بشرتي تتعور

    العجيز: لاعاد تقول ماما ياجعل مومياء تحضنك ...ياللأنثى
    وبتروح مع من ؟

    yay: بروح مع اصحابي وائل ولؤى وهيثم

    خلف يطمر من بعيد ويقول :على فكره حبيبي يااي اخبار وائل وشلونه هو

    yay: وليش تسئل عنه؟

    خلف: بس اسئل عن حاله

    yay: زين تمام وتوه ماخذ شهاده في رقص الباليه

    خلف: والله انا الى برقص من الفرحه لو استفرد به


    yay: وشو ماسمعتك

    خلف: لالا سلامتك توكل بس

    yay: ثانكس بباي

    العجيز: اقول خلف وش جالسن تثرثر به انت وخوك المايع مهيب عوايدك

    خلف: لا ..بس اخوي واشوفه لايكون يمشي مع دشير ولا شي خايفن عليه

    العجيز: ليته يمشي مع دشير ولاهو جالس يتمكيج قدام التسريحه كل يومهههههههه خربتها الام
    خلف: والله يايما كان سمعتي عن قصه برجس ثانيه

    العجيز: وشو

    خلف: سلامتك يالغاليه..

    العجيز: اقول ياوليدي ورا ما ندخل اخوك ياي العسكريه يغديه يترجل
    خلف: وش عسكريته يما والله ان يرجعلنا الولد كوبري

    العجيز: وش كوبري ذا

    خلف: انسي انسي الموضوع هذولا عسكر جياعه والله ليشوفونه يحسبونه اليسا تتمشي قدامهم بلبس عسكري




    ((وبعد ان خف زعل الشمس وجا وقت المغرب))



    yay: مامي انا طالع

    العجيز: وين رايح يا سالى ؟

    yay: يؤ مامي نسيتي بروح نكتار

    العجيز: ايه ذكرتني طيب وانت راجع جب معك خبز

    yay: ليش مام

    العجيز: .. بتعشي ياجعلى اتعشي يوم عرسك...... مهما كنت ولدي وابي افرح بك

    مدري انت الى بتخطب ولا هم الى بيخطبونك ياحسرتي بسهههههههههههه والله ذبيبه الام

    yay: لا مام بجبلك كلوب هاوس

    العجيز: كلاب والله تعض خصرك ذا الى كأنه خاتم

    yay: وبعدين مام انا بتزوج تشلسي

    العجيز: وشو ذا

    yay: بنت كلنتون

    العجيز:وش لبتن ذا

    yay: هههه مام ضحكتيني لا بنت رئيس الولايات المتحده الامريكيه السابق

    العجيزز: وشوتقصد.. عمريكا؟

    yay: ايه شيكا بيكا هههه

    العجيز: وتضحك بعد ايه خبري بك راعي شكشكه

    yay: ايه مام وش احلى من اني العب بخصري واهز وسطي
    واتزوج حبيبتي تشلسي

    وبعد ما اتزوجها .. اكلم ابوها واقوله اطلع من العراق وكلم اسرائيل وخلها تنسحب من فلسطين
    ولا ترا بزعل تشلسي ولا راح اشتررريلها ايس كوريم


    العجيز: وهذا الى تقدر عليه ياكبده امك تزعلها ولا تشتريلها عسكريم

    انا ابوك يوم زعل على اعطاني طلقتين بالشوزن في ظهرى <<قويه هذي

    البقية: يوميات ولد ناعم
    اللهمم آرزقنيي وآرزق جميع المسلميين..
    ..
    آخلآقي سر نجآحي بالحيآآة والعلآقآت العآمهه.. لأن الآخلآق والإحترآآمم هو اللذي يعطيي الإنسآن مظهر جذآآب يجذب كل من حوولهه

    white hat hacker

  2. #2

    افتراضي رد: محادثة بين yay وأمه

    ههههههههههههههههههههههههه ههههههه

    و الله العجيز ذي راعية طويله شكلها من عندنا من الجنوب

    ههههههههههههههه والولد مدري وش وضعه الله يخلف على امه

  3. #3

    افتراضي رد: محادثة بين yay وأمه

    اقتباس المشاركة الأصلية كتبت بواسطة Mr.nakad مشاهدة المشاركة
    ههههههههههههههههههههههههه ههههههه

    و الله العجيز ذي راعية طويله شكلها من عندنا من الجنوب

    ههههههههههههههه والولد مدري وش وضعه الله يخلف على امه
    يسلمو على المرور حبيبي
    اللهمم آرزقنيي وآرزق جميع المسلميين..
    ..
    آخلآقي سر نجآحي بالحيآآة والعلآقآت العآمهه.. لأن الآخلآق والإحترآآمم هو اللذي يعطيي الإنسآن مظهر جذآآب يجذب كل من حوولهه

    white hat hacker

المواضيع المتشابهه

  1. سرقة الباسورد من محادثة وبدون اي برنامج
    بواسطة فنزوالي في المنتدى منتدى إختراق البريد والايميلات
    مشاركات: 96
    آخر مشاركة: 09-25-2012, 02:33 AM
  2. إحذرو من محادثة ” مجهول من الويب “! فهي خادعة !!!
    بواسطة yheya في المنتدى المنتدى العام
    مشاركات: 4
    آخر مشاركة: 01-22-2012, 06:00 AM
  3. مشاركات: 8
    آخر مشاركة: 08-19-2011, 11:22 PM
  4. محادثة سكران ومحشش على المسن
    بواسطة ولد @ مكه في المنتدى المنتدى العام
    مشاركات: 8
    آخر مشاركة: 03-06-2011, 08:50 PM
  5. محادثة محشش وسكران عالمسن
    بواسطة ولد @ مكه في المنتدى المنتدى العام
    مشاركات: 5
    آخر مشاركة: 02-03-2011, 11:02 PM

المفضلات

أذونات المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •