ليه ياقلبي لي أعلنت الرحيل
واختفيت ولي تباعدت وجفيت
ليه وانته دايم ليلك طويل
نور كل الكون يطفي لابديت
كان ودك في كلامك ياخليل
تمتحني في غلاتك ثم نسيت
خانك التعبيرواطريت البديل
دوك حالي يابعد حالي وجيت
ياقمر ليلي وياشمس الاصيل
يانظر عيني وسمعي ماهقيت
ماهقيت انك على جرحي تميل
من جميع الناس غيرك ماعطيت
وين بسماتك ولا منها مثيل
وين همساتك وعطرك لاحكيت
وين نظرات العيون اللي تشيل
همي اللي في عروقي يابخيل
رد البسمه على شفاه العليل
الصويب اللي بحبك مستميت
رد وهات من أوقاتك قليل
إذكرني وان جفيتني مابكيت
