السلام عليكم أكيد إنك شايف الناس هالأيام كيف قاعدين يسعون ويتفننون في طلب الرزق . هذا راح ياخذ قرض ودخل بالأسهم وهذاك طول يومه بمعارض السيارات والثاني احترق وجهه بالصناعيه وهذاك طاحت عيونه من كثر ما درس وسهر وتعلم ^o_o^ .. ^o_o^ وهذا ما عاد شاف أهله من كثر ما يدور بالمخططات والمساهمات و و و و و .. وبصراحه ما أحد يلومهم . ^o_o^ الكل يبي رزقه يكثر وينبسطبحياته ... وللأسف ان البعض هاليومين تخرج من الجامعة وجلس بالبيت مع الوالدة يطبخ ويغسل ويسب ويلعن في فلان وعلان بسبب أنه مالقى مراده في وظيفة تستر عليه وتسد حاجته بس فيه شغله ناس كثير جدا جدا ما فكروا فيها .. حتى أكبرالعقليات الإستثماريه ما جت على بالهم إلا من رحم ربي . يقول الله سبحانه وتعالى ) فقلت استغفروا ربكم إنه كان غفارا * يرسل السماء عليكم مدرارا * ويمددكم (بأموال) وبنين ويجعل لكم جنات ويجعل لكم (أنهارا ^o_o^ الإستغفار : يا ناس يا عالم الإستغفار سبب رئيس لأشياء حلوه في حياتنا ... حاول قد ماتقدر انك ترطب لسانك بالأستغفار لعنت فلان استغفر أغتبت فلان استغفر سويت منكر استغفر رأيت منكر استغفر لازم الاستغفار ملازمة جازمة أشياء ياما وياما تمنيناها .. من فينا ما يحب المطر ..؟ من فينا ما يحب المال ..؟ من فينا ما يحب يكون عنده أولاد وبنات .؟ من فينا ما يحب يعيش بوسط جنات وأنهار في الحياه الدنيا ...؟ هذه كلها أشياء خياليه ..من جد خياليه .. وماهي صعبه ولا مستحيله على رب العالمين سبحانه .. ^o_o^ الله قادر إنه يحققها لنا .. بس إذا حققنا المطلوب منا .. وش المطلوب منا ...؟ شي واحد وبس .. ولا أسهل منه .. {الإستغفار} والإكثار منه .. ^o_o^ طيب أوكي والنتيجه ..؟ أنا أقولك النتيجه : النتيجه عسى ربي يحفظك ويسلمك إن الإستغفار سبب في نزول المطر {بإذن الله} .. وسبب في زيادة الرزق وبالعربي زيادة المال .. وسبب في إن الواحد منا يرزق بالذريه الصالحه إن شاء الله {البنين} .. وسبب في تحول أراضينا إلى جنات وأنهار .. وهذا مو كلامي ولا كلام الشيخ فلان أو المطوع فلان أو الداعيه فلان .... لا هذا كلام الله سبحانه وتعالى في الإكثار من الإستغفار . )استغفرالله الذي لا إله إلا هو الحي القيوم وأتوب إليه(
التعديل الأخير تم بواسطة المستذئبة ; 10-03-2010 الساعة 07:47 AM سبب آخر: الخط جاء صغير زي النمله
مشكوره الله يجزاكي كل خير يا الغاليه
المشاركة الأصلية كتبت بواسطة شخص محبوب بين الناس مشكوره الله يجزاكي كل خير يا الغاليه العفو ومشكور ع المرور ^_^
قوانين المنتدى
