البارحة .. خرّبتها .. مـع ... ( .. خفوقـي .. ) !!

[عزة مكابر]

بسم الله الرحمن الرحيم




ماعلّمـوك .. البارحـة .. ويــش سـوّيـت ..؟؟
البارحة .. خرّبتها .. مـع ... ( .. خفوقـي .. ) !!


يومـه سألنـي عنـك .. صدّيـت .. صـدّيـت ..
وكرر .. سؤاله .. قلت .. وش بـك .. طفوقـي .؟؟


قـال الحـزن .. قلـت الحـزن .. مسكـن وبيـت
قال الدمـوع .. وقلـت .. نبـض .. العروقـي .!!





قـال أنـت طـيّـب .. قـلـت أدري .. ولـدّيـت
قال .. الغياب ..؟؟ .. وقلت .. عقبه ... شروقي ..!!


ردّ بـزعـل .. أشـوف كـنّـك .. تقـوّيـت ....؟
قلت .. أتقـوّى .. إليـن .. وقتـي ... يروقـي !!


قـال البشـر واجـد .. وقلـت .. أنــت زلـيـت
صحيح واجد .. بـس ..؟؟ .. فيهـم .. فروقـي .!


قـال .. أنـت تتمـنـى .. ورديــت .. يالـيـت
ولآ كـل .. نـور يشـاف .. ( لمـع البروقـي ) !!


قـال أنـت تستهبـل .. وأنـا .. فيـك أزريــت .
أزريت .. أصبر .. و .. ذقت منك .. الحروقـي .!!


قــال أنــت متغـيّـر .. وعـنّـي تخلّـيـت ..
قلت .. أنت .. تمنعني .. مـن أبسـط حقوقـي ..!!


شرحـت لـه كـل الغـلا .. كـيـت ثــم كـيـت
وأقفـى وراه .. وغـاب .. كنّـه ... حمـوقـي .!!


يانـاس ربــي .. خـالـق الـحـيّ .. والمـيـت
قدّر .. أحبه .. وصـرت .. مغـرم .. شفوقـي.!!



لـذا .. أنـا .. مهـمـا .. بـقلـبـي .. تعلّـيـت
يبقـى غـلاه .. بـكـل الأحـوال .... ذوقـي .!!




مما رآق لي

[شخص محبوب بين الناس]

كلمات رائعة جدا

[hooos]

مشكور والله يعطيك العافيه

[المستذئبة]

كلمات روووووعه صراحه وأحببت ان أشاركك مما راق لي

..تذكر يوم أقولك جسد يحتوي روحين ..

. وأوعدك ما أخليك وتوعد ما تخليني ..

.. أذكر يومها أشوف بالدنيا بس اثنـين ..

.. قلبي اللي يحبك وقلبك اللي يحويني ..

.. بعدها بأيام شفت ايدك تحتضن ايدين ..

.. وانصدمت يوم شفت إنها غير ايديني ..

.. سكت لجل خاطرك وقلت مرحبا بالزين ..

.. مرحبا باللي القلب لجلـه حيل كاويني ..

.. مر يوم واسبوع وشهر وبعدها شهرين ..

.. وهو لازال مايدري بإني شفته بعيني ..

.. وأخاف إني أقوله له خاين وينجرح بعدين ..

.. وأخاف أسكت وبسكوتي صمتي حيل يشقيني ..

.. واجهته وأنا أبكي والعين تحتضن العين ..

.. سألته : ليه تنسـاني ؟ وإلا ماكنت تغليني ؟؟

.. سكت ولفّ عني وخبى وجهه بالإيدين ..

.. اللي كانت تحضني وغيرها ما تدفيني ..

. سحبت وجهه و مسحت الدمع على الخدين ..

.. وقلت له والله أحبك ولو إنك تخليني ..!

.. سكت فتره وقال لي : لازلتي تحبين ؟؟

.. بعد اللي تشوفينه لا زلتي تحبيني ؟؟

.. ابتسمت وقلت أجل ماعرفت للحين ..

.. إني أحبك حيل واللي يرضيك يرضيني ..

.. سكت فتره وأنا أعاود فرحة بقت لسنين ..

.. وتركته وتركت حبه اللي بقى فيني ..

.. وصارت الدمعـة إذا هلّت أقول أهلين ..

.. والبسمة هجرتني ونست دربها فيني ..

.. بعدها بـأيام سمعت خبر والله شين ..

.. سمعت إنه مـاااات وهو يطلب يلاقيني ..

.. ويوم إني رحت .. وصيته لي بورقتين ..

.. الأولى بها اسمي كتب بدمه يغليني ..

.. والثانيه يقول فيها: أبي أوضحلك شيئين ..

.. الأول أحبك حيل وماسكن غيرك شراييني ..

.. والثاني أمانه لا جيتي لأهلي تعزيّن ..

.. لا تنزل دموعك لي طلبتك لاتَبْكِينِي ..

.. كل اللي أبيه إنك بالخير لي تدعين ..

.. وإنك بالشهر مره بقبري تزوريني ..

.. واللي أبيك تعرفيه ومهم إنك تعرفين ..

.. اللي شفتيها معي كانت بموتي تبشّرني ..

.. انا اللي خليتك من كيفي عني تبعدين ..

.. لجل ما ينجرح قلبك بلحظة موت تحويني ..

.. تكفين لا تظنين إني خنتك ياالغلا تكفين ..

.. وإذا لازلتي تحبيني دايم بـالخير ذكريني ..

.. سكت وقلت : ياليتني ظليت معك يازين ..

.. وشفت الموت ياخذك مني ولاكذا تخليني ..

.. تظنون إني نسيت أو الدمع جف بالعين ؟

.. لا والله إلين اليوم وهو معي يخاويني ..

.. لو تدور الدنيـا ولو تمر بعدها سنين ..

.. ما نسيته لو أشوف أحفـااادي حواليني ..

[انثى مجنونه]

رآآآآق لي ماكتب هنا من ابياآآآت عذبه مشكورين وماانحرم..

[المارد الابيض]

بارك الله فيك

تسلم ايدك

[Anonymous Hacker]

جزاك الله خيراً..
وأحسنت ايها الشاعر :smile:
جاري التقييم بـ5 نجوم..
تقبل مروري..

[حمودي خواجي]

قـال أنـت طـيّـب .. قـلـت أدري .. ولـدّيـت
قال .. الغياب ..؟؟ .. وقلت .. عقبه ... شروقي لهله وربي اهنيكـ ياغالي الى الامام بالتوفييييق يارب