المساعد الشخصي الرقمي

مشاهدة النسخة كاملة : أعرف كيف تحمى نفسك من الاختراق !! قبل ان تكون مخترق



admi hackrs
07-17-2010, 04:09 PM
اخوانى الكرام اعضاء منتديات جيوش الهكرز النهاردة باذن الله ساقوم بوضع موضوع من اهم مايمكن وهو كيفيه حماية جهازك من الاختراق ولانه للاسف زادت الايام دية عمليات اختراق الاجهزة وللعلم دة مش راجع لقوة المخترق ولكن لعدم معرفة الضحيه بامور وخفايا الاختراق



وممكن يكونوا الاتنين معا بسبب قله معرفة الضحية بامور الاختراق وكيف يصل اليه المخترق وقوة المخترق كمان


وطبعا لو اى شخص عرف ثغرة معينه يبقى من السهل انه يقفلها وباذن الله هقوم بوضع معظم طرق الهاكر فى اختراق اى جهاز وكيفيه سد جميع الثغرات


ولكن ارجووو منكم الصبر حتى انتهاء الموضوع لانه طويل شوية لكن واثق باذن الله انكم ستستفيدون الكثير فى النهايه


( بــســـم الله الرحمن الرحيم ) نبدا الشرح


اخوانى الكرام اولا قبل اى شىء لازم نعرف ازاى المخترق بيدخل لجهازك واية هى الوسائل المساعدة له فى دخول جهازك وازاى اصلا بيتم الربط بين الجهازين جهازك وجهازه بدون ماانت تشعر واية هى اخطر واشهر الفيروسات اللى ممكن تساعده على دخول جهازك



سنبدا فى الاول بطرق اختراق الاجهزة والثغرات وباذن الله بعدها سنتكلم عن طرق سد كل ثغرة منها وكيفيه منع المخترقين من اختراقك


الجزء الاول :اول شىء طرق اختراق اى جهاز فى العالم:


سنبدا بالطريقة القديمه لانها لا تحتاج الى شرح كبير وهى للاسف طريقة يمكن دلوقتى الناس نسيتها لانها غير فعاله


الطريقة الاولى فى اختراق الاجهزة :


هى الأختراق عن طريق الدوس بمجرد معرفة المخترق برقم الاى بى الخاص بك يستطيع اختراق جهازك عن طريق بورتين هم الاشهر فى عالم اختراق الدوس


اول بورت وهو بورت 21 او بمعنى اخر كما هو معروف بورت الـ FTP او برتوكول نقل الملفات

البورت التانى وهو بورت 23 او التل نت Tel Net وهو بورت وهو احدى بروتوكولات TCP / IP او باللغه العربيه الاتصال عن بعد باى جهاز


طبعا ممكن يكون فى بورتات تانية ممكن يتم اختراق جهاز منه عن طريق الدوس ولكن هذه البورتات هى الاشهر والاقوى فى عالم اختراق الدوس


ولكن على الرغم من الواضح دلوقتى قدامكم ان على كدة اختراق الدوس اسهل الف مرة من اختراق البرامج والباتشات والسيرفرات ......... الخ


لكن اختراق الدوس كان بيشتغل زمان على ويندوز الـ98 والملينيوم وويندوز 2000
لكن مع ويندوز XP اصبح صعب جدااااااااا ومع ويندوز فيستا اللى هو احدث من ويندوز اكس بى تقريبا شبه مستحيل اختراق جهاز عن طريق الدوس



يرجع السبب فى دة ان اختراق الدوس عن طريق البورتين اللى قولتهم من شوية لازم يكون البورت مفتوح فى جهاز الضحية


يعنى مثلا انا لو عايز اخترق جهاز شخص عن طريق الدوس واخترت مثلا اختراقه عن طريق بورت 21 او الـ FTP هو هو بورت 21 = Ftp


لازم علشان استطيع الاتصال بجهاز الضحيه لازم يكون بورت 21 اللى انا بخترقه منه يكون مفتوح فى جهازه والا لن استطيع باى شكل من الاشكال اختراقه عن طريق البورت دة


طبعا زى ماانتم عارفين دلوقتى ويندوز اكس بى فيها فاير وال Fire wall او الجدار النارى


الجدار النارى يااخوانى بيبقى بالبلدى هو البودى جارد على الجهاز بتاعك او الحارس الشخصى للجهاز بتاعك بيقفل اى بورت خطير وقت اللزوم زى بورت 21 او بورت 23 او بورت 80 ........ الخ


وبيكشفلك وانت قاعد على الجهاز اى برنامج فى جهازك يحاول الاتصال بالانترنت واى شىء من الانترنت يحاول الاتصال بجهازك


وطبعا مع الاب ديت ( Update ) اللى الويندوز بيعملها تلقائيا + الجدار النارى
+ لو كان كمان عندك برنامج حماية = استحاله اختراق الجهاز عن طريق الدوس


المهم علشان مااطولش عليكم فى حكاية اختراق الدوس لانها غير مفيدة واصحبت تقريبا شبه مستحيله على ويندوز اكس بى


ندخل فى الكلام الجد والطريقة الاشهر والاكثر شيوعا حاليا فى اختراق الاجهزة


الطريقة التانية فى اختراق الاجهزة :

الطريقة التانية هى عن طريق برامج اختراق الاجهزة امثال
( Prorat ، Nova ، Poison ، Befrost ) ......... الخ


كل هذه البرامج وامثالها من برامج اختراق الاجهزة مهما تعددت فى النهاية كلها تعمل بشكل واحد وطريقة واحدة واسلوب واحد ولكن طبعا بيكون فى فرق فى خصائص البرامج نفسها وقوتها فى التحكم فى اى جهاز



ولكن كلها فى النهاية تعتمد على اسلوب بسيط جدا وهو ان انت لو بتخترق شخص بتشوف اى برنامج اختراق انت مرتاح له او عجبك وبتفتح البرنامج وتصنع حاجة اسمها باتش او سيرفر او بالبلدى برضه فيرس او عميل يساعدك على اختراق جهاز الشخص اللى عايز تخترقه


وطبعا كل برنامج بيكون له خصائص خاصه بيه فى صنع الباتش غير خصائص البرامج التانيه
وبعد ماتظبط خصائص الباتش او السيرفر ( العميل بتاعك ) بتضغط على تكوين او صنع السيرفر
وتلاقى الباتش موجود فى ملف البرنامج ومكتوب عليه اسم سيرفر


بعد كدة بتروح على الضحيه وترسل له الباتش ويقوم باستقباله


ثوانى وركز معايا واصبر هنا علشان تشوف اية العوائق اللى ممكن تقف فى طريق اختراقك لجهاز
الضحية

اولا لو كان هذا الضحيه عنده برنامج حماية والبرنامج دة يقدر يكشف الفيرس او الباتش اللى انت بعته له هيمنع الباتش من النزول فى جهاز الضحيه


وطبعا الضحية هيعرف انك عايز تخترقه لانه هيعرف انك باعتله باتش ويبقى ولا اكانك عملت اى شىء


طيب لو حصل ومعندوش برنامج حماية هيستقبله طبعا بكل سذاجه وهيقوم بالضغط عليه وبعدين وفى اول ضغطه له على الباتش او العميل او بالبلدى الجاسوس الخاص بك فى جهازه هيقوم الجاسوس اوالباتش بتاعك هيرسلك البيانات المطلوبه والمهمه حتى تسطيع اختراق جهاز الضحيه

وطبعا من اهمها الاى بى والبورت ( IP ) و ( Port )

ممكن واحد يسال طيب وليه الاى بى والبورت بالذات وليه محدش يقدر يخترق واحد من غير مايعرف الاى بى بتاعه


هقولك اخى الكريم دلوقتى لو نفترض ان شبكه الانترنت مثل شبكه التليفونات فى اى بلد من البلدان العربيه او الاجنبيه حتى


دلوقتى اى تليفون فى العالم كله اجنبى عربى اى شيء لازم يكون له رقم علشان تقدر تميز التليفون من غيره مثلا عندك صديقين واحد اسمه احمد والتانى اسمه محمد



وانت مثلا عايز تتصل باحمد مش بمحمد هتتصل بيه ازاى اذا كنت متعرفش رقمه هتوصله ازاى ؟؟


نفس الكلام يااخوانى فكل جهاز على شبكه الانترنت له اى بى مختلف عن اى جهاز اخر
يعنى من الاخر الاى بى هو عنوانك اللى اى حد يقدر يدخل منه ويوصلك


طيب البورت ليه البورت مهم ؟؟


البورت اخى الكريم احسن تشبيه له انك بداخل المنزل بتاعك وعارف ان هناك لص يريد ان يدخل الى منزلك ويقوم بالسرقة وقفلت كل النوافذ والابواب حتى تحمى نفسك


فيقوم هذا اللص بارسال شخص ما انت مطمئن له وفى نفس الوقت يكون هذا الشخص عميل لهذا اللص وفى نفس الوقت اللى انت مطمن لهذا الشخص يقوم هذا الشخص بفتح احدى النوافذ اللى انت قفلتها فى منزلك حتى يعطى اللص فرصة للدخول الى منزلك بدون ان تشعر



نفس الموضوع الباتش بيكون بالنسبالك حاجة عادية جدا وبتكون مطمئن له وتضغط عليه وفى اول ضغطه لك عليه يقوم بفتح منفذ للمخترق فى جهازك ومن ثم يدخل المخترق الى جهازك


طيب فى سؤال يمكن يكون بسيط لكن مهم

فى حال دخول المخترق الى جهازى ماالذى يمكنه فعله ؟؟


لو حصل ودخل المخترق الى جهازك بيكون عنده كل الصلاحيات اللى عندك بالظبط او بمعنى اخر وسهل بيتحكم فى جهازك عن بعد يقدر يعمل نسخ ومسح واضافه لاى ملف او فولدر ويقدر كمان يتجسس على كاميرا الماسينجر الخاصه بك ويقدر يتجسس على لوحة المفاتيح الخاصه بك وطبعا بعدها يسرق باسوردات الايميل الخاصه بك او اى باسورد فى اى مكان


ويقدر يضرب الويندوز عندك ويقدر يفرمتلك الهارد نفسه بضغطه زر ويمسح كل اللى على الجهاز

يعنى من الاخر بتكون انت قاعد على الجهاز ملكش لزمه وهو اللى يقدر يتحكم فى اى حاجة فى الجهاز


كدة خلصنا طرق اختراق الاجهزة

ندخل على ازاى تحمى جهازك من الثغرات اللى انا كتبتها دلوقتى


الجــزء الثانى كيف تحمى جهازك من الاختراق :

اول شىء ياشباب واخطر شىء واللى للاسف بستغرب له دايما ان حتى هذه اللحظه فى ناس كتير جداااااااا لا تستعمل اى برامج حماية على الجهاز


ودة اللى نفسى الاقى له استفسار عند اللى سايب جهازه بدون برنامج حماية
انت لو مستغنى عن جهازك للدرجة دية ودخلت عالم الانترنت يبقى لازم تعرف ان مفيش حد هيرحمك
وناس كتير عديمه الضمير بتضع باتشات وتروجانات فى برنامج مثلا وعلشان خاطر يقنعوك ان البرنامج جميل جدا يقوموا بوضع الموضوع ويحطوا عنوان براق له حتى يجذبك لتحميل البرنامج

:5:
من الاخر يااخوانى برنامج الحماية زى ماقولت لكم هو الحارس الشخصى الخاص بجهازك او زى مابيقولوا عليه البودى جارد ولااااااااااازم يكون عند كل واحد برنامج حماية على جهازه ولا يستهين بالامر


واحد دلوقتى ممكن يسالنى يعنى وهى برامج الحماية بتعمل اية واية سر اصرارك على ان كل واحد لازم يكون عنده برنامج حماية على جهازه ؟؟؟
أعرف كيف تحمى نفسك من الاختراق !! قبل ان تكون مخترق

اخى الكريم برنامج الحماية زى ماتقول بيكون عنده لسته كامله وصور لكل الفيروسات او الباتشات اللى ممكن تدخل جهازك وتبقى خطر عليهأعرف كيف تحمى نفسك من الاختراق !! قبل ان تكون مخترق

وهديلكم مثال اخر علشان يكون سهل
:11:
احنا قولنا من شوية ان المخترق دة زى الحرامى اللى عايز يدخل المنزل بتاعك وانت عارف كويس انه ممكن يدخلك وقافل كل النوافذ والابواب ويقوم الحرامى علشان خاطر يفتح شباك منهم ويدخل فيه يبعتلك انسان تكون بتثق فيه وتبقى مطمن له وتدخله البيت عندك ويقوم هو اول لما يدخل بيتك يفتح منفذ للحرامى اللى برة المنزل حتى يدخل المنزلأعرف كيف تحمى نفسك من الاختراق !! قبل ان تكون مخترق



هنا ياتى دور برنامج الحماية وهو بيكون مثل ظابط الشرطة اللى بيوقف على باب منزلك وبيحرصك ومعاه لسته بصور واشكال العملاء اللى ممكن الحرامى دة يبعتهملك علشان يدخلوا منزلك ومن ثم فتح منفذ وفى حال ارسال الحرامى لاى عميل له لمنزلك يقوم الظابط بمعرفته والقبض عليه لان معاه لسته فيها صور كل العملاء اللى ممكن الحرامى دة يبعتها وتضرك

أعرف كيف تحمى نفسك من الاختراق !! قبل ان تكون مخترق
معلش احنا سيبنا الهاكر ودخلنا فى الحرامى والظابط هههههههههههههههههههههههه
أعرف كيف تحمى نفسك من الاختراق !! قبل ان تكون مخترق
بس حبيت اوضحلكم الموضوع بشكل مفهوم وبالذات للاخوة المبتدئين لان المنتدى هنا مخصوص للاخوة المبتدئين فى الهاكر ولازم اوضح بالشكل دة حتى ينتشر الوعى


طيب اية هى اقوى برامج حماية على الاجهزة ؟؟


هرتب ليكم اقوى برامج الحماية من راى الشخصى وطبعا دة فى الاول والاخر راجع ليكم انتمأعرف كيف تحمى نفسك من الاختراق !! قبل ان تكون مخترق
(avira)
( kaspersky )
( NOD 32 )
( BitDifender )
( McAfee )
( Avaist )
( Norton )
( AVG )
( Panda )

kacha23
07-17-2010, 05:21 PM
موضوع رائع واصل اخي

المستذئبة
09-22-2010, 11:04 PM
مشكور ماقصرت تم نسخه ^_^

الصارم المسلول2
09-25-2010, 10:43 AM
بارك الله فيك ....واصل

شخص محبوب بين الناس
10-01-2010, 09:30 PM
مشكور والله يعطيك العافية

Dr.a7
10-02-2010, 05:21 AM
بارك الله فيك وجزاك الله كل خير

ميزو كاكا
10-16-2010, 06:59 AM
مشكوووووووووووووووووووووو وور

thacker
10-16-2010, 09:35 PM
انتا مو تستاهل بس كلمة شكر انتا تستاهل بوسة من بين عيونك يا غالي وهالموضوع جميل وانتا الأجمل

nsraoy hak
10-16-2010, 11:01 PM
اهنيك على الموضوع
واضح انك تعبال علية

مشكووور الله يعطيك العافية*

احساسك
10-25-2010, 11:48 PM
الله يعطيك الف عافيه
وصلت الفكره من خلال ضربك للامثله
شرح وافي ماقصرت والله يكثر من امثالك

مشكور

هشام متعب
10-27-2010, 12:54 AM
تسلم يامبدع و الله كلام رائع انا دلوقتي مخترق جهازي ولااعرف كيف احمي حاسوبي

Mr.optix
11-19-2010, 09:51 PM
كلام جميل ورائع بس فيه شي يجب ان ينتبه اليه اي شخص ييتعامل مع برامج الهكر وهو انه عندما تريد ان تستخدم ايا من برامج الهكر فاعلم ان جهازك سيتعرض للاختراق اذا انت بفتحك لهذه البرامج في جهازك فانك سوف تبطل الحمايه الموجوده عليه حتى تستطيع التعامل مع هذه البرامج لذا يجب عليك ان تعرف كيفية التعامل مع برامج الاختراق

ahmedame3
11-27-2010, 08:57 PM
شرح وافي ماقصرت والله يكثر من امثالك